എന്താടാ ഒരു അമൊൻസെന്റ് ബെര്ന്ണ്ടല്ലാ
അമൊൻസെന്റെല്ല കുഞ്ഞിക്കാ അനൗൺസ്മന്റ്
എന്തായാലും അത് ഇങ്ങട്ട് ബെര്ന്ണ്ടല്ലാ
.......രെയും സഹർഷം ക്ഷണിച്ച് കൊള്ളുന്നു സ്വാഗതം ചെയുന്നു ........
പ്രിയപ്പെട്ട നാട്ടുകാരെ ആൾ കേരള അൺ മാരീഡ് മെൻസ് അക്കാദമിയുടെ ആഭിമുക്യത്തിൽ ജോറായി ബീച്ചിൽ വെച്ച് നടത്തുന്ന അൺ മാരീഡ് മെൻ മീറ്റ് ജോറായി 2009 ലേക്ക് ഈ നാട്ടിലെ അവിവാഹിതരായ എല്ലാവരേയും സഹർഷം ക്ഷണിച്ച് കൊ...........
എന്താ മൊനേ വിൾച്ചർഞ്ഞ് പോണത് .അ അ ആ.... നൊട്ടീസൊക്കെണ്ടല്ലാ അതൊന്ന് ബായ്ച്ചാ എന്താന്ന് ഞമ്മക്കും ഒന്നറ്യണല്ലാ …..ഇജ്ജ് എന്താ ബലാലെ അയിക്ക് നോക്കിക്ക്ണ് ഒറക്കെ ബായ്ച്ച് ഞമ്മളും കേക്കട്ടെ
അവിവാഹിത സങ്കമത്തിൽ പങ്കെടുക്കുക!!!
സുഹൃത്തെ ,
അവിവാഹിതന്മാർ നേരിടുന്ന പ്രശ്നങ്ങൾ പരിഹാരിക്കാനുള്ള നിർദേശങ്ങൾ ലളിതമായി നേരിട്ട് പറഞ്ഞു കൊടുക്കുക എന്ന ലക്ഷ്യത്തോടെ ആൾ കേരള അൺ മാരീഡ് മെൻസ് അക്കാദമി തുടങ്ങിയ വിവരം ഇതിനകം താങ്കൾ അറിഞ്ഞിരിക്കുമല്ലോ (ഇല്ലങ്കിൽ ഇപ്പൊ അറിയുക)
ആ ആൾ കേരള അൺ മാരീഡ് മെൻസ് അക്കാദമി യുടെ കീഴിൽ ഈ വരുന്ന ആഗസ്റ്റ് 15 (ശനി) ജോറായി ബീച്ചിൽ വെച്ച് അവിവാഹിതരുടെ സങ്കമം നടത്താൻ തീരുമാനിച്ചതായി സതീഷ് കെഴക്കെ തോട് അറിയിച്ചിരിക്കുന്നു . വെത്യസ്ത സ്വഭാവങ്ങളും ശീലങ്ങളൂം(പായയുടെ പകുതികീറിക്കളയുക,ഭക്ഷണം കുറച്ച് കഴിക്കുക , നേരം വൈകി വീട്ടിൽ വരിക, ‘സ്വതന്ത്രനായി’ കിടന്നുറങ്ങുക എക്സട്രാ) കാണിച്ച് വിവാഹിതരാകാൻ ശ്രമിക്കുന്നതൊക്കെ മാറ്റിവച്ച് മാനവികമായ പരസ്പ്പര ബഹുമാനത്തിന്റെ സൌഹൃദ കൂടൊരുക്കാന് മുന്നോട്ടുവന്നിരിക്കുന്ന സംഘാടകര്ക്ക് അഭിവാദ്യങ്ങള് !!!!
അൺ മാരീഡ് മെൻ ജോറായി 2009 മീറ്റില് പങ്കെടുക്കാന് ആഗ്രഹിക്കുന്നവരുടെ പേര് രജിസ്റ്റർ ചെയ്യാന് നമുക്കു സുപരിചിതമായ അക്കാദമി വെബ് സൈറ്റിൽ നൽകിയിരിക്കുന്നു
NB കേരളത്തിലെ അവിവാഹിതരായ എല്ലാവരും ഇതിലെ അങ്കങ്ങളായി കണക്കാക്കുന്നതിനാൽ പ്രത്യേക എണ്ട്രി പാസ്സ് ഉണ്ടായിരിക്കുന്നതല്ല.
Pinne:ആതിഥ്യമര്യാദക്ക് മാതൃകാപരമായി വേദിയൊരുക്കിയ സതീഷ് കെഴക്കെ തോടിനും സുഹൃത്തുക്കള്ക്കും ആൾ കേരള അൺ മാരീഡ് മെൻസ് അക്കാദമിയുടെ അഭിനന്ദനങ്ങള്!!!!
കെയിഞ്ഞാ..
ആ കെയിഞ്ഞി എന്ത്യേ ഇങ്ങള്ക്ക് പോണാ..
ഞമ്മളൊന്നു കെട്ടിപ്പോയീലേ….
ഇഞ്ഞിപ്പേതായാലും ഇങ്ങളൊക്കെ പൊയ്ക്കോളിം
അത്പ്പൊങ്ങള് പറ്യ്ണ്ട ഞങ്ങള് രണ്ടാളൂം പൊയ്ക്കോളും
ഞങ്ങൾ രണ്ടാളല്ല നീ മാത്രം
അതെന്താ നീ പോകൂലെ
എങ്ങനെ ഞാൻ പോകൽ ,ആരെങ്കിലും ഒരുസംഘടന തുടങ്ങിയെന്ന് വെച്ച് ഞാനെങ്ങനെ പോകും ഇനി ഞാൻ പോയി എന്ന് തന്നെ വെക്ക് അതൊരു ബീച്ചാണ് അവിവാഹിതരായ പെൺപിള്ളേർ കാണും ആരെങ്കിലും എന്തങ്കിലും ചൈതാൽ അതിന്റെ ഉത്തരവാദിത്വം ആരേറ്റെടുക്കും അതല്ല ഇനി അവിവാഹിതരായ തീവ്രവാദികളും വന്ന് അതൊരു പോലിസ് കേസായാൽ അവിടെപ്പോയീ എന്ന കാരണത്താൽ പോയവരൊക്കെ തീവ്രവാദിയെന്ന സംശയിക്കപ്പെടില്ലേ .ഇനിപോട്ടെ വല്ല ചാവേറുകൾ വന്നു പൊട്ടിത്തെറിച്ചാൽ ഞാൻ ജാരനായി പോകുന്നിടത്തൊക്കെ യാർ പോകും
കഴിഞ്ഞൊ
ഒന്നു ശ്വാസം വിട്ട് പറയ് നീ പറഞ്ഞതൊക്കെ ശരിയാണു അവിടെ വരുന്നവർക്ക് പല ഉദ്ദേശങ്ങളും കാണും അതിന് നീ പോണില്ല്യങ്കിൽ നീപോകണ്ട എന്തിനാ നീ പോകുന്നവരെ നേരെ തിരിയുന്നേ. അവിവാഹിതർ പരസ്പരം പ്രശ്നങ്ങൾ പങ്കുവെക്കട്ടെ അവർ തമ്മിലറിയട്ടെ പരിചയപ്പെടട്ടെ അങ്ങനെ സമൂഹത്തിന്റെ പല മേഘലയിലുള്ളവരും തമ്മിൽ സൗഹൃദങ്ങളുണ്ടാകട്ടെ,മുസൽമാനും ക്രിസ്ത്യാനിക്കും ഹിന്ദുവിനും പ്രത്യേകം പ്രത്യേകം സ്കൂളുകളും മറ്റും വന്ന അവസ്സാനം മനുഷ്യൻ മതങ്ങളുടെ പേരിൽ തരം തിരിച്ച് സ്വന്തം മതക്കാരെ മാത്രം കല്യാണം വരെ വിളിക്കുന്ന കാലത്ത് പരസ്പരം അറിയാൻ ഇതൊരു വേദിയാകുമെങ്കിൽ അത് എന്തിന് തടയണം
നീ പറഞ്ഞതൊക്കെ തന്നെ യാണ് സങ്കമത്തിന്റെ ലക്ഷ്യമെന്നിരിക്കട്ടെ എന്നാലും അവരെന്തിനു ആൾ കെരളാ അവിവാഹിത എന്ന് പറയുന്നു അങ്ങനെ ഒരു സംഘടനയിൽ ചേരാനാഗ്രഹമില്ലത്ത ഞനോക്കെ അതിലുൾപെടില്ലേ അപ്പൊ ആ പേരിൽ അവർ എന്തെങ്കിലും വൃത്തികേട് കാണിച്ചാൽ അത് എല്ലാ അവിവാഹിതർക്കും അതിന്റെ പേരു ദോഷം വരില്ലേ .
എടാ നീ അങ്ങനെ ചിന്തിക്കുന്നത് കൊണ്ടാ നിനക്കങ്ങനെ ഒക്കെ തോന്നുന്നത് ഇപ്പൊ നോക്ക് ഗൾഫിലൊക്കെ അബൂദാബി മലയാളി സോശ്യൽ വെൽഫൈർ,മലയാളീ സമാജ്യം എന്ന പെരിലൊക്കെ സങ്കടനയില്ലേ അവർ വല്ലതും പറഞ്ഞാൽ അത് അവിടെയുള്ള മുഴുവൻ മലയാളികളും പറഞ്ഞപോലെയാകുമോ?
നീ അത് വിട് ഇപ്പൊ തന്നെ നോക്ക് നായർ സോസൈറ്റിയുടെ നേതാവ് എന്തോ പറഞ്ഞപ്പോ അതിനെ പിന്തുണക്കാത്ത മറ്റു നായന്മാരും അത് പറഞ്ഞ പോലെയായില്ലേ.നാളെ അവിവാഹിത അക്കാദമിയുടെ പ്രധിനിധി എന്തങ്കിലും പറഞ്ഞാൽ അത് ഞാനും നീയും അടക്കമുള്ള അവിവാഹിതർ പറഞ്ഞ പോലെയാകില്ലേ ജനം കാണുക.ഒരുപക്ഷെ സംഘടനയെ പറ്റി അറിയുന്നവർക്ക് ഒരു പക്ഷെ നമ്മൾ പറഞ്ഞാൽ മനസ്സിലാകും ബാക്കിയുള്ളവരെല്ലാം എങ്ങനെ വിലയിരുത്തും
മുണ്ടാതെ നിക്കിം ഹംക്കാളെ കൊറെ നേരായി ഞ്ഞാത്ങ്ങനെ കേക്ക്ണ് അനക്ക് പറ്റൂലങ്കി ഇജി പോണ്ട ഇവൻക് മാണങ്കി ഇവമ്പൊയ്ക്കോട്ടെ അതിന് ഇങ്ങള് കെടന്ന് കാടം പൂച്ചാളമാതിരി തമ്മി തല്ല്ണ് ബേറെ എന്തക്കെ ഇണ്ട് ലോകത്ത് പറ്യാൻ
കുഞ്ഞിക്കാ ഞങ്ങളെ പോകറ്റിലെ കാശ് കൊട്ത്ത് ഞങ്ങൾ ചായ കുടിക്കുമ്പോൾ ഞങ്ങൾ എന്ത് പറയണം എന്ത് പറയണ്ട എന്നൊക്കെ തീരുമാനിക്കേണ്ടത് ഞങ്ങളാണ് മനസ്സിലായ
ഹും ഇഞ്ഞി ഞമ്മളെ നെഞ്ഞത്ത്ക്ക് കേറിക്കോളിം ഇത്തറിം നേരം തമ്മിത്തല്ല്യൊരല്ലേ ഹും ഇഞ്ഞി ഞമ്മളെ നെഞ്ഞത്ത്ക്ക് കേറിക്കോളിം ഇത്തറിം നേരം തമ്മിത്തല്ല്യൊരന്നല്ലേ ഇങ്ങള്
അത് പിന്നങ്ങനല്ലേ കുഞ്ഞിക്ക ഞങ്ങൾ പരസ്പരം കലഹിക്കും തെറിപറയും ഞങ്ങളെ നേരെ ആരങ്കിലും തിരിഞ്ഞ ഞങ്ങളൊറ്റകെട്ടാ.
ഇപ്പൊ ഇങ്ങള് ഒന്നായി ഞമ്മള് പൊർത്തുായി
പോകഞ്ഞ കൊള്ളി പുറത്ത് എന്നല്ലേ കുഞ്ഞിക്കാ
അതിന് ഞാനെപ്പളാ മോനെ പോകഞ്ഞ്
അതാ നിങ്ങളെ ചുണ്ടിൽ പുകയിണ് പാർട്ടിക്കാരൻ പുകക്കുന്ന ദിനേശ് ബീഡി
ഞമ്മള് ഒരു ദിനേശിന്റിം ആളല്ല മോനേ അതവട്ന്ന് പോകഞ്ഞോട്ട് ഇങ്ങളെന്താചാ പർഞ്ഞോളിം ഞമ്മക്ക് ബേറെ പണിണ്ട്
