11/7/09

മാത്സ്‌ ബ്ലോഗ്‌ ടീം (maths blog team)

കമ്പ്യൂട്ടർ ഇന്റർനെറ്റ്‌ എന്നതുപോലേ ബ്ലോഗുകളും ഇന്ന് ജനകീയമായി കൊണ്ടിരിക്കുന്നു.വാർത്തയും നിരൂപണവും മതവും മന്ത്രവും മരുന്നും തുടങ്ങി തമാശക്കഥകൾക്കും കവിതകൾക്കും നോവലുകൾക്കും അങ്ങനെ സാഹിത്യത്തിന്റെ എല്ലാ മേഖലകളിലുള്ള സൃഷ്ടികൾക്ക്‌ വേണ്ടിയും ബ്ലോഗുകളുള്ളതുപോലെ അധ്യാപകർക്കും വിദ്യാർത്ഥികൾക്കുമായി ഒരിടം അതാണ്‌ "http://mathematicsschool.blogspot.com".രസകരമായ പലപ്രോജെക്റ്റ്കളും,puzzle ഉകളും,ലിനക്സ്‌ പാച്ഫയലുകളും മറ്റു ഗണിതക്രിയകളും പോസ്റ്റുകളായിവരുമ്പോൾ കമന്റുകൾ അതിനുത്തരമായും മറ്റു നിർദ്ദേശങ്ങളും അഭിപ്രായങ്ങളുമയൊക്കെ വന്ന് ദിനവും ആക്റ്റിവായ ബ്ലോഗ്‌ സാങ്കേതികമായും മികവുറ്റ ഒന്നാണ്‌

ദിവസവും ആദ്യ കമന്റിടാനും ഉത്തരങ്ങൾ കണ്ടെത്താനും നിർദ്ദേശങ്ങളും പോരായ്മകളും ചൂണ്ടിക്കാണിക്കാനും എന്തിന്‌പറയുന്നു ചെറിയ ചെറിയ അക്ഷരത്തെറ്റുകൾപോലും ചൂണ്ട്ക്കാട്ടി അതു തിരുത്തി ബ്ലോഗിനെ കുറ്റമറ്റതാക്കാനും മത്സരിക്കുന്ന അധ്യാപകർ ഉത്തരം മാത്രം പോര അത്‌ കണ്ടെത്തിയ വഴികളൂം വ്യക്തമാക്കിയാൽ ക്ലാസ്സിൽ കുട്ടികൾക്ക്‌ അത്‌ വിശദീകരിച്ച്‌ കൊടുക്കാൻ എളുപ്പമായേനേ എന്ന് കമന്റിട്ടത്‌ കണ്ടപ്പോൾ ടെക്സ്റ്റ്ബുക്കിൽ ഉദാഹരണമായിതന്ന കണക്ക്‌ ബ്ലാക്ക്‌ ബൊർഡിൽ അതുപോലെ പകർത്തി ബാക്കിയുള്ള ചോദ്യങ്ങൾ ഹോം വർക്ക്‌ തന്ന് മേശയിൽ തലവെച്ചുള്ള ഉറക്കത്തിന്‌ ഭംഗം വരുമ്പോൾ "കഴുതകൾ കുളിക്കാതെ നനക്കാതെ ക്ലാസ്സിൽ ബഹളമുണ്ടാക്കാൻ എഴുന്നെള്ളിക്കൊള്ളും" എന്ന് പറഞ്ഞ്‌ ഒരുകോട്ടുവായ നീട്ടിയിട്ട്‌ വീണ്ടും ഉറക്കത്തിലേക്ക്‌ വഴുതിവീഴുന്ന എന്റെ എട്ടാം ക്ലാസ്സിലെ മിനി ടീചറെ കുറിച്ച്‌ ഓർത്തുപോയി.എനിക്കും ഇതുപോലെ ഉത്സാഹിച്ചു പഠിപ്പിക്കുന്ന അധ്യാപകർ ഉണ്ടായിരുന്നെങ്കിൽ ഗണിത ശാസ്ത്രം പലരെപ്പോലെ എനിക്കും ഒരു കീറാമുട്ടിയാകില്ലായിരുന്നു.

പ്രിയപ്പെട്ട അധ്യാപകരെ അറിവ്‌ പരസ്പരം പങ്കുവച്ച്‌ അത്‌ കുട്ടികൾക്ക്‌ പകർന്ന് നൽകി അങ്ങനെ നാളെയുടെ വാഗ്ദാനങ്ങൾ വളർന്ന് വന്ന് നേട്ടങ്ങൾ കൊയ്യുമ്പോൾ അവർ ഉറക്കെപ്പറയും ഞങ്ങളുടെ അധ്യാപകരാണ്‌.... അവർ മാത്രമാണ്‌..അവർ പകർന്ന അറിവാണ്‌ ഞങ്ങളുടെ ശക്തി.അപ്പോഴുണ്ടകുന്ന ആ സന്തോഷം സംതൃപ്തി... ഏതൊരവാർഡിനാണിത്ര മധുരമുണ്ടകുക.

നിങ്ങൾക്കഭിമാനിക്കാം ഇന്ത്യയുടെ ഉയർച്ചയിലേക്കുള്ള വാതിലുകളുടെ താക്കോൽകൂട്ടം നിങ്ങളുടെ കയ്യിലാണുള്ളത്‌

ഇങ്ങനെയൊക്കെയാണങ്കിലും എന്തോ ബൂലോകത്തെ അധികമാരെയും മാത്സ്‌ ടീമിന്റെ ബ്ലോഗിലേക്ക്‌ കാണുന്നില്ല ."ഇത്‌ കേരളത്തിലെ ഗണിതശാസ്ത്ര അധ്യാപകരുടെ ഒരു കൂട്ടായ്മയാണ്‌ ഞങ്ങളുടെ സംശയങ്ങളും നിദ്ദേശങ്ങളും ചർച്ച ചെയ്യാനുള്ള ഒരിടം.........................................." എന്ന തലക്കെട്ട്‌ കണ്ട്‌ "പൊന്നുരുക്കുന്നിടത്ത്‌ പൂച്ചക്കെന്ത്‌ കാര്യം "എന്നലോചിച്ച്‌ കയറിചെല്ലാത്തതൊ അതൊ എന്നെപ്പോലെ നാലാം ക്ലാസ്സുകാരൻ സോൾവ്‌ ചെയ്യാൻ പറ്റുന്ന പ്രോബ്ലം സ്വയം ചെയ്യാൻ ശ്രമിച്ച്‌ പരാജയപ്പെട്ട്‌ " അതൊക്കെ പിള്ളാർക്ക്‌ ചെയ്യാനുള്ളതല്ലേ അത്‌ എങ്ങനെ ഞമ്മള്‌ ചെയ്യാ ഓരു ചെയ്യട്ടെ ഞമ്മള്‌ അത്‌ കണ്ടിരുന്നോളാ" എന്ന് പറഞ്ഞ്‌ വന്ന് കണ്ട്‌ പോകുന്നതാണൊ എന്നറിയില്ല:)

ഏതായാലും മാത്സ്‌ ടീമിന്റെ ഈ നല്ല ഉദ്യമത്തിനും അതിനു പ്രോതാഹിപ്പിക്കുന്ന മറ്റു അധ്യാപകർക്കും എന്റെ ഉഗ്രൻസല്യൂട്ട്‌
ഈ 'ബൂലോകം' മുഴുവനും നിശബ്ദ്ധമായി നിങ്ങൾക്കൊപ്പമുണ്ടാവും...തുടരുക

4 comments:

Captain Haddock said...

ടീസ്റ്റാൾ

ബ്ലോഗര്‍ Captain Haddock പറഞ്ഞു...

Blistering barnacles!!!! ഇത് അഗ്രി കുട്ടന്മാര്‍ ആരും കണ്ടില്ലേ ??? ശെടാ ....ഞാന്‍ ചുമ്മാ കൊറേ അക്ഷരത്തെറ്റ് ബോഗില്‍ പിടിപ്പിച്ചു !!ഇത് കണ്ടിരിന്നുഎങ്കില്‍ ചുമ്മാ അടിച്ചു മാറ്റിയാല്‍ മതിആയിരുന്നു !!!
എന്തായാലും ഞാന്‍ എന്‍റെ പോസ്റ്റ്‌, രണ്ടു വരി കൂടുതല്‍ ചേര്‍ത്ത് അപ്ഡേറ്റ് ചെയ്തിട്ടുണ്ട്...
and added link to This Post.

jamal said...

Captain Haddock
ഹും നടക്കട്ടെ അക്ഷരത്തെറ്റ് ....അടിച്ച് മാറ്റൽ... നിങ്ങള് വെളുത്തോര് പാൽ ചായ കുടിക്ക്ണ പൈസക്കാര് ഞമ്മള് കറത്തോര് കട്ടൻ ചായ കുടിക്ക്ണ പാവങ്ങൾ

:):)

കൂട്ടുകാരന്‍ said...

Jamal..Congratulations for this post.കാപ്ടന്റെ പോസ്റ്റില്‍ ലിങ്ക് കണ്ടിരുന്നു.. തികച്ചും അഭിനന്ദനാര്‍ഹം തന്നെ ഈ സംരംഭം

Maths Blog Team said...

പ്രിയ ജമാലിന്,
ഈ ബ്ലോഗില്‍ മാത്​സ് ബ്ലോഗിനെക്കുറിച്ച് ഒരു പോസ്റ്റ് കണ്ടപ്പോള്‍ അനിര്‍വ്വചനീയമായ ഒരു ആനന്ദം തോന്നി. ഇത് കേരളത്തിലെ അധ്യാപകര്‍ക്കുള്ള ഒരു അംഗീകാരമായാണ് ഞങ്ങള്‍ കാണുന്നത്.

ഒരുപാടൊരുപാട് നന്ദിയുണ്ട് താങ്കളോട് ഞങ്ങള്‍ക്ക്.
Kerala Teachers